Манчестер, 3 декември 2024 (МИА) - Манчестер Јунајтед покажува сериозен интерес за играчот од средниот ред на Јувентус, Кенан Јилдиз. Турскиот репрезентативец е на врвот на потесниот круг на „црвените ѓаволи“ за позицијата офанзивен играч од средниот ред, тврди новинарот Флоријан Плетенберг.

„Црвените ѓаволи“ се импресионирани од развојот на 19-годишниот играч и сакаат да го имаат во својот тим. Англискиот клуб ќе се обиде да го ангажира Јилдиз следното лето.

Ваков трансфер би бил тешко да се реализира, бидејќи играчот нема желба да го напушти Јувентус во оваа фаза. Неговиот договор со „бјанконерите“ е до летото 2029 година.

„Старата дама“ го привлече Јилдиз во 2022 година од Баерн Минхен. Во тековната сезона има постигнато 4 гола на 19 натпревари. дс

Фото: Принтскрин