Рим, 19 октомври 2023 (МИА) - Манчестер јунајтед размислува да достави понуда до Интер за дефанзивецот Федерико Димарко, пренесува „Calciomercato“.

Тренерот на Манчестер јунајтед, Ерик тен Хаг, сака во зимскиот преоден рок да ја засили одбраната на тимот, бидејќи левите бекови Лук Шо и Тајрел Маласија се надвор од терените поради долготрајни повреди.

Се известува дека за 25-годишниот Италијанец е заинтересиран и Пари Сен-Жермен.

Од друга страна, Интер размислува да му понуди на Димарко нов долгорочен договор кој би му овозможил двојно да ја зголеми платата. Сепак, клубот може да го продаде и дефанзивецот доколку добие понуда од околу 50 милиони евра.

Во тековната сезона Димарко одигра девет натпревари за Интер во сите натпреварувања, на кои постигна еден гол и беше творец на три асистенции. Неговиот договор е до летото 2026 година. 

Порталот „Трансфермаркт“ го цени играчот на 45 милиони евра. зс/

Фото: ЕПА