Манчестер јунајтед потроши 100 илјади долари за Онана да остане што подолго во тимот
- Манчестер јунајтед плати за летот на Андре Онана за натпреварот во Камерун, кој тој не го одигра.
![Манчестер јунајтед потроши 100 илјади долари за Онана да остане што подолго во тимот](https://mia.mk/index.php/images/20240121171630_big_730x400_78.webp )
Манчестер, 21 јануари 2024 (МИА) - Манчестер јунајтед плати за летот на Андре Онана за натпреварот во Камерун, кој тој не го одигра.
На 15 јануари Камерун го одигра првиот натпревар на Африканскиот куп - против Гвинеја (1:1).
Онана остана во Манчестер Јунајтед за да брани против Тотенхем на 14 јануари, а потоа патуваше повеќе од 6.000 км за да стигне навреме за натпреварот против Гвинеја на 15 јануари. Полетувањето на авионот кон Јамусукро (главен град на Брегот на Слоновата Коска) беше одложено поради магла, па Андре ги помина последните 240 километри со автомобил. Тој пристигна на стадионот три часа пред почетокот на натпреварот, но не беше вклучен во составот.
Според „The Athletic“, Манчестер јунајтед ги покри трошоците за летот со приватен авион кој наплаќа помеѓу 12.000 и 20.000 долари на час за приватен чартер-лет. Конечниот трошок зависи од типот на авионот и другите детали, но за 8-часовниот лет на Онана, Манчестер јунајтед платил најмалку 100.000 долари.
Јунајтед се одлучи на овие трошоци за Онана да остане што подолго во клубот. зс/
Фото: ЕПА