Макрон: Неопходна е европска одбранбена структура
- Претседателот на Франција, Емануел Макрон денеска изјави дека е неопходна европската одбранбена структура за кредибилитетот на Европска Унија на долг рок
![Макрон: Неопходна е европска одбранбена структура](https://mia.mk/index.php/images/20230531155252_big_730x400_21.webp )
Братислава, 31 мај 2023 (МИА) – Претседателот на Франција, Емануел Макрон денеска изјави дека е неопходна европската одбранбена структура за кредибилитетот на Европска Унија на долг рок.
- Европска одбрана, европски столб во НАТО, е незаменливо. Тоа е единствениот начин да се биде кредибилен... на долг рок. Од Европејците зависи дали во иднина ќе можеме да се браниме, наведе Макрон во Братислава.
Тој го повика Западот да и понуди на Украина „опипливи и веродостојни“ безбедносни гаранции, додека таа се бори со руската инвазија.
- Украина денес ја штити Европа... Во интерес на Западот е Киев да има кредибилни безбедносни гаранции со нас во мултилатерална рамка, посочи Макрон. ми/
фото: ЕПА