Македонците во Голо Брдо завеани и без струја три дена
- Македонците во областа Голо, на албанско - македонска граница и оваа зима не ги одминаа проблемите со кои се соочуваат по обилни снежни врнежи, по кои е познат овој планински регион.
![Македонците во Голо Брдо завеани и без струја три дена](https://mia.mk/index.php/images/20221112033041_big_730x400_27.webp )
Тирана, 23 јануари 2022 (МИА) - Македонците во областа Голо, на албанско - македонска граница и оваа зима не ги одминаа проблемите со кои се соочуваат по обилни снежни врнежи, по кои е познат овој планински регион.
По последниот снег, чија дебелина надминува 40 сантиметри, а некаде е и повисока и минусните температури, веќе трет ден се отсечени од светот.
-Дополнителен проблем е и недостигот на електрична енергија присутен веќе трет дена. Во текот на ноќта и утринските часови живата во термометарот падна на - 16 степени целзиусови, а вечерва и утре најава има за повисоки минусни температури, велат жители.
![снег голо брдо албанија](/articles/images/%d0%bc%d0%b0%d0%ba%d0%b5%d0%b4%d0%be%d0%bd%d1%86%d0%b8%d1%82%d0%b5-%d0/rwgstEQPj/placeholder.webp?use_watermark=0)
Едмонд Османи администратор на административната единица Требиште рече дека во соработка со градоначалникот на општина Булќиза се прават максимални напори за надминување на проблемите.
- Обилните снежни врнежи, поларниот студ и мразот го прават своето. Вложуваме максимални напори да се пробијат патиштата. Превземени се сите мерки и сме во служба на жителите за било каква потреба, изјави за МИА Османи.
Областа опфаќа 22 населени места со над 12 илјади жители. вт/бк/