Македонските фудбалерки до 17 години ќе дебитираат во А дивизијата од Лигата на нации
- Македонската женска фудбалска репрезентација до 17 години утре во португалскиот град Куелуз го стартува дебитантскиот настап во најсилната А дивизија во Лигата на нации на УЕФА.
![Македонските фудбалерки до 17 години ќе дебитираат во А дивизијата од Лигата на нации](https://mia.mk/index.php/images/20230322201540_big_730x400_77.webp )
Куелуз, 22 март 2023 (МИА) – Македонската женска фудбалска репрезентација до 17 години утре во португалскиот град Куелуз го стартува дебитантскиот настап во најсилната А дивизија во Лигата на нации на УЕФА.
Прв противник на македонските фудбалерки ќе биде Германија, по што следуваат дуелите против домаќинот Португалија, в недела, и во последното коло против Унгарија, в среда.
Настап во Лигата на нации ја очекува и македонската женска репрезентација до 19 години, која од 3 до 11 април во Скопје ќе биде домаќин на група во Б дивизијата.
Македонските фудбалерки ќе се обидат да изборат промоција во А лигата во дуели со Грузија, Гибралтар и Израел. ег/ар/
Фото: ФФМ