Скопје, 24 октомври 2022 (МИА) - Македонската репрезентација во традиционално карате постигна голем успех на ЕШ во Римини, Италија освојуваќи пет златни, седум сребрени и три бронзени медали. Во сениорска конкуренција Аљоша Недев освои прво место во кати и второ место во фукуго, Јадранка Недева освои прво место во фукуго и трето место во кати. Во младинска конкуренција Мила Саздова и Димитри Влахо освоија прво место во енбу, Мила Саздова освои второ место во кати и второ место во фукуго, ката тимот во состав Мила Саздова, Мила Младеновска и Марта Димковска освоија второ место. Во категоријата деца 8-9 години Филип Недев освои прво место во кати и второ место во кихон, Камелија Недев во категорија деца 10-11 години освои второ место во кати и второ место во кихон. Марта Димковска во категорија деца 12-13 години освои трето место во кихон. Кај деца 6-7 години во кати прво место освои Максим Поп Трпев, второ место Масимо Меле и трето место Марко Илиевски. Софија Јарчевска и Матеј Мангаровски освоија четврто место во џиу ипон кумите и кихон. ЕШ се одржа на 21, 22 и 23 октомври 2022 година и учествуваа над 500 натпреварувачи од 22 земји. цр/