Марсеј, 17 јануари 2024 (МИА) – Бразилскиот фудбалски репрезентативец Ренан Лоди ги напушти редовите на францускиот прволигаш Олимпик Марсеј и кариерата ќе ја продолжи во саудиски Ал Хилал.

Француските медиуми пренесуваат денеска дека 25-годишниот Лоди се преселил во Саудиска Арабија за обесштетување од 25 милиони евра.

Лоди во Ал Хилал ќе му се приклучи на сонародникот Нејмар, кој во моментов е повреден.

Бразилецот остана во редовите на Олимпик Марсеј само шест месеци откако дојде од Атлетико Мадрид, а претходно настапуваше за Нотингем Форест и Атлетико Параненше.

Ал Хилал во моментов е лидер на табелата во саудиското првенство со 53 бодови. ег/ссм/

ФОТО: Фејсбук