Лице од велешко село пријавило измама од 251.110 денари
- Четириест и седумгодишен жител на велешко село во текот на вчерашниот ден пријавил дека бил измамен од едно лице за сума од 251.110 денари.
![Лице од велешко село пријавило измама од 251.110 денари](https://mia.mk/index.php/images/20240817142110_big_730x400_39.webp )
Скопје, 17 август 2024 (МИА) - Четириест и седумгодишен жител на велешко село во текот на вчерашниот ден пријавил дека бил измамен од едно лице за сума од 251.110 денари, информираат денеска од Секторот за внатрешни работи - Велес.
- Според пријавеното, на 29 јули, преку мобилна апликација, лицето се договорило со него за набавка на бела техника. Како што е пријавено, договорената стока била испратена во Скопје - Чаир и била преземена од друго лице, но, парите не му биле исплатени во договорениот рок и по една недела, лицето веќе не било достапно, по што сфатил дека е измамен, појаснуваат од СВР - Велес.
Се преземаат мерки за расчистување на случајот. бд/вг/
Фото: МИА архива