Лига на нации: Македонските фудбалери поразени на гостувањето во Грузија
- Македонската фудбалска репрезентација ги загуби шансите за промоција во повисок ранг во Лигата на нации и место во баражот за пласман на ЕУРО 2024, откако вечерва претрпе пораз на гостински т
![Лига на нации: Македонските фудбалери поразени на гостувањето во Грузија](https://mia.mk/index.php/images/20221113225720_big_730x400_51.webp )
Тбилиси, 23 септември 2022 (МИА) – Македонската фудбалска репрезентација ги загуби шансите за промоција во повисок ранг во Лигата на нации и место во баражот за пласман на ЕУРО 2024, откако вечерва претрпе пораз на гостински терен од Грузија во Тбилиси со 2:0 (1:0) во рамки на претпоследното коло во групата 4.
Грузија извојува победа искористувајќи ги максимално грешките во македонската одбрана, иако избраниците на селекторот Благоја Милевски во голем дел од натпреварот одиграа квалитетно и го диктираа темпото на играта.
Домаќините поведоа со автоголот на Бојан Миовски во 35 минута, а конечниот резултат го постави Квича Кварацкелија во 64 минута по кардинална грешка на дефанзивецот Дарко Велковски.
Македонските фудбалери доминираа на теренот до водечкиот гол на Грузија, а откако и во воведните 20-ина минути од вториот дел повторно не реализираа голем број шанси уследи втората казна од домаќините и втор пораз во ова издание на Лигата на нации од вечерашниот противник.
На едно коло пред крајот на натпреварувањето, Грузија го обезбеди првото место во групата во Ц-дивизијата со 13 бодови, пред македонската репрезентација која остана второпласирана со седум бодови.
Противник на македонскиот состав во последното коло ќе биде Бугарија в понеделник во Скопје. ег/ев/