Левица: Владата нема да го зголеми надоместокот за туѓа нега
Скопје, 15 ноември 2024
Буџетот за 2025 година е веќе во собраниска процедура и истиот ја има загубено социјалната компонента како основна задача на државата. Посебно револтирачки за родителите на лицата со попреченост е фактот што во Буџетот за следната година, не се предвидени средства за зголемување на надоместокот за туѓа нега.
Надоместокот за туѓа нега е единствениот додаток кој што го добиваат лицата со попреченост над 26 години и истиот изнесува само 5.200 денари, износ којшто е далеку и под европските стандарди и под човековото достоинство.
Иако Законот за социјална заштита предвидува надоместок заради попреченост, истиот им е достапен само на лицата со тешка интелектуална или тешка телесна попреченост и потполно слепи и глуви лица. На сите останати категории на лица со попреченост над 26 години не им следува овој додаток, што е стамно за држава којашто во својот Устав се какрактеризира како социјална.
Дополнителен револт кај родителите на лица со попреченост се јавува и поради фактот што поради законските измени процедурата за добивање на надоместокот за туѓа нега драстично се отежнува и овие лица мора секоја година да ги вадат сите потребни документи и лекарски извештаи и покрај трајноста и непроменливоста на здравствената состојба на лицата со попреченост.
За овие законски измени Левица алармираше дека се штетни, но тогашната власт на СДС и ДУИ сепак ги усвои, а сега Владата на ДПМНЕ. ЗНАМ И ВРЕДИ, продолжува ги продолжува овие лоши практики, за сметка на популистички мерки и лажни предизборни ветувања.
Во отсуство на влада Влада која суштински ги решава социјалните проблеми и држава која целосно го има загубено духот на солидарноста со оние на кои им е најпотребна, Пратениците на Левица поднесоа Амандман за Буџетот на РМ за 2025 година, со кој што ќе побараат да се наменат средстава за зголемување на износот на надоместокто за туѓа нега!
ПП Левица
________________________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
