Лајпциг, 22 декември 2024 (МИА) – Дефанзивецот на Лајпциг и германски репрезентативец Бенјамин Хенрикс ќе ги пропушти сите преостанати натпревари од оваа сезона, откако ја скина Ахиловата тетива, објави бундеслигашот.

Левиот бек на Лајпциг се повреди во петокот при поразот од минхенски Баерн со 1:5 во 15. коло од Бундес лигата.

„Бенјамин Хенрикс на натпреварот против Баерн доживеа руптура на ахиловата тетива на десната нога“, објави Лајпциг на својот профил на социјалната мрежа Икс.

Поради сериозноста на повредата Хенрикс ќе биде надвор од теренот неколку месеци, а Лајпциг најави дека во јануарскиот преоден рок ќе бара ново решение како негова замена. ег

ФОТО: Фејсбук