„Лајка“: Напуштањето миленици е суровост, не постои оправдување
- СООПШТЕНИЕ: Имајте предвид дека ниту куче, ниту мачка кои се претходно чувани дома не се свесни за опасностите кои ги демнат од коли, други животни, или луѓе. И не, нема да се снајдат на улица.
![„Лајка“: Напуштањето миленици е суровост, не постои оправдување](https://mia.mk/index.php/images/20240429130912_big_730x400_80.webp )
Скопје, 29 април 2024
Напуштањето на милениците е суровост за која не постои никакво оправдување
Имајте предвид дека ниту куче, ниту мачка кои се претходно чувани дома не се свесни за опасностите кои ги демнат од коли, други животни, или луѓе. И не, нема да се снајдат на улица. За нив загубата која ја чувствуваат по вас е неопислива и исклучително тешка, многу од нив очајуваат до степен да не јадат со денови и талкаат бескрајно за да го најдат своето човечко семејство.
Доколку мислите дека животното е:
- Играчка
- Статусен симбол
- Начин да стекнете пари преку негово размножување и продажба на потомството
- Слатко така малечко, но друг ќе се грижи за него кога ќе порасне
- Создадено да чува и биде врзано на ланец
- Добро само додека е слатко, весело, здраво
- Предодредено на крај да заврши само, на улица или во стационар
НЕМОЈТЕ да земете животно.
Размислите убаво. Животните се човековиот најверен пријател. Но тие немаат избор и нивните судбини зависат од нас.
Повелете во ЈП Лајка каде за нова шанса молат бројни напуштени миленици.
Јавно претпријатие „Лајка“
Фото: ЈП „Лајка“
_________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.