Рим, 7 ноември 2024 (МИА) - На Италија и требаат повеќе војници и резервни сили кои се навистина подготвени да дејствуваат кога е потребно, изјави денеска министерот за одбрана Гвидо Крозето.

„Оперативната резерва како алатка за регистрација во случај на криза е незаменлива, а персоналот треба да се зголеми за да се обезбеди целосна функционалност“, рече Крозето на сослушувањето пред комитетите за одбрана и надворешни работи на италијанскиот Сенат.

Тој додаде дека намалувањата на вооружените сили воведени во 2012 година треба да се поништат, велејќи дека тие се „дете на друга ера“.

„Потребно е и подмладување на вооружените сили, фаворизирајќи ја промената на генерациите“, додаде Крозето. паг/

Фото: ЕПА