Концерт на Владимир Лазаревски и Елена Дојчинова во КИЦ во Софија
- Во присуство на претставници од културната и творечката сфера во Бугарија, во Културно -информативниот центар на Република Северна Македонија во Софија, се одржа концерт за обоа и флејта на В
![Концерт на Владимир Лазаревски и Елена Дојчинова во КИЦ во Софија](https://mia.mk/index.php/images/20221108172358_big_730x400_60.webp )
Софија, 27 септември 2021 (МИА) - Во присуство на претставници од културната и творечката сфера во Бугарија, во Културно -информативниот центар на Република Северна Македонија во Софија, се одржа концерт за обоа и флејта на Владимир Лазаревски и Елена Дојчинова.
Како што јави дописникот на МИА од Софија, Елена Дојчинова е прва флејта во Националната филхармонија на Северна Македонија и е меѓу најдобрите флејтисти во земјата.
Нејзиниот колега Владимир Лазаревски е првата обоа во Македонската филхармонија. Лазаревски има магистрирано на Националната музичка академија „Панчо Владигеров“ во Софија, кај професор Георги Желјазов. Тој бил и соработник на Бостонскиот симфониски оркестар.
Двајцата се претставија со богата програма, со класични дела во Културно-информативниот центар на Република Северна Македонија во Софија, која ги воодушеви љубителите на класичната музика. нк/ки/
![](/articles/images/%d0%ba%d0%be%d0%bd%d1%86%d0%b5%d1%80%d1%82-%d0%bd%d0%b0-%d0%b2%d0%bb%d/PJCFoOEhp/placeholder.webp?use_watermark=0)