Конференција посветена на 30-годишното партнерство меѓу Светска банка и Северна Македонија
- На Економскиот факултет во Скопје денеска ќе се одржи конференција посветена на 30-годишното партнерство меѓу Светска банка и Северна Македонија.
![Конференција посветена на 30-годишното партнерство меѓу Светска банка и Северна Македонија](https://mia.mk/index.php/images/20231130175045_big_730x400_91.webp )
Скопје, 1 декември 2023 (МИА) - На Економскиот факултет во Скопје денеска ќе се одржи конференција посветена на 30-годишното партнерство меѓу Светска банка и Северна Македонија.
На конференцијата, според агендата, најавени се обраќања на потпретседателката на Светска Банка за Европа и Централна Азија, Антонела Басани, премиерот Димитар Ковачевски и деканот на Економскиот факултет Предраг Трпески.
Во рамки на конференцијата ќе се одржат два панела посветени на демографските предизвици и на човечкиот капитал. На првиот панел најавени се обраќање на министерот за финансии Фатмир Бесими и на министерката за труд и социјална политика Јованка Тренчевска, а на вториот панел вицепремиерот за економски прашања Фатмир Битиќи и министерот за образование и наука Јетон Шаќири. бак/вј/
Фото: Светска банка