Конститутивна седница на новиот состав на ДКСК
- Државната комисија за спречување на корупцијата (ДКСК) денеска ќе одржи конститутивна седница.
![Конститутивна седница на новиот состав на ДКСК](https://mia.mk/index.php/images/20240215185535_big_730x400_93.webp )
Скопје, 16 февруари 2024 (МИА) - Државната комисија за спречување на корупцијата (ДКСК) денеска ќе одржи конститутивна седница.
Новиот состав на ДКСК започна со работа пред една недела откако претседателката комисијата Татјана Димитровска и членовите на новиот состав на ДКСК Цвета Ристовска, Софија Спасова Медарска, Бесник Џемаиљи, Билјана Каракашова Шулев, Сервет Демири и Зоран Богоевски, по изборот, во Собранието дадоа свечна изјава.
На дневен ред на денешната седница на ДКСК е избор на Заменик претседател, состојба на предмети на ден 08.02.2024 година, како и активности во врска со надлежностите на ДКСК за време на изборниот период. ев/мд/
Фото: МИА архива