Конституиран новиот Совет на Општина Карпош
- За претседател на Советот на општината беше избран советникот од партијата Левица, Бранко Ристов. Советниците избраа претседатели и членови на 11 комисии кои во четиригодишниот мандат ќе рас
![Конституиран новиот Совет на Општина Карпош](https://mia.mk/index.php/images/20221108222418_big_730x400_60.webp )
Скопје, 12 ноември 2021 (МИА) – Советот на Општина Карпош денеска ја одржа првата седница од конститутивен карактер. Добрила Андоновска, најстариот член на Советот ја отвори седницата и им го честита мандатот на советниците.
За претседател на Советот на општината беше избран советникот од партијата Левица, Бранко Ристов. Советниците избраа претседатели и членови на 11 комисии кои во четиригодишниот мандат ќе расправаат за теми со непреченото функционирање на локалната самоуправа.
Градоначалникот на Општина Карпош, Стевчо Јакимовски им предложи на советниците да размислат и да достават конкретни предлози и проекти што се во интерес на граѓаните.
Јакимовски ги повика советниците да присуствуваат на јавната презентација на планерските куќи, што во моментов изработуваат урбанистички планови за општина Карпош. Презентацијата ќе се одржи следниот викенд во салата за проекции, во рамки на Кинотека на Северна Македонија. ки/лв/