Конгрес на НСДП, ќе се утврдуваат кандидатите за пратеници и програмските приоритети
- Нова социјалдемократска партија-НСДП денеска од 13 часот во хотел „Хилтон“ ќе го одржи шестиот Конгрес/Конвенција на која ќе бидат утврдени кандидатите за пратеници за претстојните парламентарни избори.
![Конгрес на НСДП, ќе се утврдуваат кандидатите за пратеници и програмските приоритети](https://mia.mk/index.php/images/20240323221344_big_730x400_69.webp )
Скопје, 24 март 2024 (МИА) – Нова социјалдемократска партија-НСДП денеска од 13 часот во хотел „Хилтон“ ќе го одржи шестиот Конгрес на кој ќе бидат утврдени кандидатите за пратеници за претстојните парламентарни избори.
На свечениот дел од конгресот ќе биде промовиран кандидатот за претседател на Република Северна Македонија, Стево Пендаровски, а покрај него, ќе говорат и претседателот на НСДП, Горан Мисовски и лидерот на Европската коалиција и претседател на СДСМ, Димитар Ковачевски.
Во рамките на Конгресот ќе се одбележат и 18 години од формирањето на младинската организација на НСДП, Нова социјалдемократска младина (НСДМ).
На работниот дел од Конгресот ќе бидат утврдени кандидатите за пратеници од НСДП за изборите во мај 2024 година, на коалиционите листи на Европската коалиција предводена од СДСМ. Исто така, ќе бидат утврдени и стратешките програмски приоритети на НСДП за периодот 2024-2028. ар/ев/
Фото: НСДП