Комплетна листа на поранешни кандидати на Републиканската партија за претседателски места кои изјавиле дека ќе гласаат за Трамп
- Кога Камала Харис ја прифати претседателската номинација на нејзината Демократска партија на конвенцијата минатиот месец, неколку поранешни претседатели, потпретседатели и номинирани за овие позиции се собраа за јавно да ја поддржат нејзината кандидатура за Белата куќа. Барак Обама. Бил Клинтон. Хилари Клинтон. Сенаторот Тим Кејн (Д-Ва.). Претседателот Џо Бајден, кој дури се повлече од кандидатурата за реизбор за да ги обедини не само Демократите, туку и Американците.
![Комплетна листа на поранешни кандидати на Републиканската партија за претседателски места кои изјавиле дека ќе гласаат за Трамп](https://mia.mk/index.php/images/20240908085418_big_730x400_30.webp )
8 септември 2024
Хафингтон Пост
Кога Камала Харис ја прифати претседателската номинација на нејзината Демократска партија на конвенцијата минатиот месец, неколку поранешни претседатели, потпретседатели и номинирани за овие позиции се собраа за јавно да ја поддржат нејзината кандидатура за Белата куќа.
Барак Обама. Бил Клинтон. Хилари Клинтон. Сенаторот Тим Кејн (Д-Ва.). Претседателот Џо Бајден, кој дури се повлече од кандидатурата за реизбор за да ги обедини не само Демократите, туку и Американците.
А на страната на Доналд Трамп? Кои поранешни републикански претседатели, потпретседатели и номинирани за овие позиции застанаа зад него?
Не видовме ниту еден од нив да говори во негова поддршка на Републиканската конвенција во јули, но сигурно се тука некаде.
Еве ја, за првпат претставена, исцрпната листа на поранешни републикански претседатели, потпретседатели и номинирани за овие позиции кои јавно изјавиле дека ќе гласаат за Трамп во ноември:
Сара Пејлин.
Тоа е тоа. Тоа е целата листа.
Кандидатката за потпретседател од 2008 година ја потврди нејзината поддршка за Трамп во март 2023 година.
Поранешниот републикански претседателски кандидат Мит Ромни рече дека „апсолутно нема“ да гласа за Трамп. Истото го изјавија поранешниот потпретседател Дик Чејни, поранешниот кандидат за потпретседател Пол Рајан, а веројатно и поранешниот потпретседател Ден Квејл, кој помогна во спречувањето на Трамп да ги украде изборите во 2020 година. Поранешниот потпретседател на Трамп, Мајк Пенс, кој Трамп речиси го уби на 6 јануари 2021 година, рече дека „не треба да биде изненадување“ што нема да го поддржи Трамп.
Поранешниот републикански претседател Џорџ В. Буш не изјавил дали ќе гласа за Трамп, но во 2020 година наводно рекол дека нема да ја поддржи неговата кампања за реизбор.
Буш немал позитивен одговор на инаугуративниот говор на Трамп во 2016 година, каде Трамп ја опиша земјата како темна пустина на американско крвопролевање: „Тоа беше некое чудно сра*е“, наводно рекол Буш. ссм/
фото: архива