Командантот на украинските копнени сили вели дека руската војска во Бахмут користи тактика на „изгорена земја“
- Командантот на копнените сили на вооружените сили на Украина, Олександр Сирски изјави дека руските сили во Бахмут почнале да користат тактика на „изгорена земја“ и додаде дека ситуацијата во градот е тешка, но под контрола.
![Командантот на украинските копнени сили вели дека руската војска во Бахмут користи тактика на „изгорена земја“](https://mia.mk/index.php/images/20230410101638_big_730x400_4.webp )
Киев, 10 април 2023 (МИА) - Командантот на копнените сили на вооружените сили на Украина, Олександр Сирски изјави дека руските сили во Бахмут почнале да користат тактика на „изгорена земја“ и додаде дека ситуацијата во градот е тешка, но под контрола.
Непријателот се префрли на таканаречената тактика на „сириската“ изгорена земја“. Тие уништуваат згради и позиции со воздушни напади и артилериски оган. Одбраната на Бахмут продолжува. Ситуацијата е тешка, но под контрола“, рече Сирски.
Сирски нагласи дека украинските војници ги исцрпиле припадниците на руската паравоена група Вагнер, па Русија била принудена да вклучи специјални сили и воздушни единици во битката за Бахмут.
Според извештаите, на 9 април Сирски ги посетил најтешките сектори на фронтот на правецот Бахмут.
Инаку, „изгорена земја“ е назив за воена стратегија во која сè што може да биде од корист за непријателот намерно се уништува за време на повлекувањето. ссм/
фото: Гугл мап