Ковачевски: Нема потреба за активирање на стоковните резерви, немаме недостаток на храна и енергенти
- Стоковните резерви се на ниво пропишано со закон и тековно се менаџираат. Нема потреба да се активираат бидејќи нема недостаток на храна и енергенти, информира денеска премиерот Димитар Ковач
![Ковачевски: Нема потреба за активирање на стоковните резерви, немаме недостаток на храна и енергенти](https://mia.mk/index.php/images/20230926160103_big_730x400_45.webp )
Скопје, 6 јуни 2022 (МИА) - Стоковните резерви се на ниво пропишано со закон и тековно се менаџираат. Нема потреба да се активираат бидејќи нема недостаток на храна и енергенти, информира денеска премиерот Димитар Ковачевски во одговор на новинарско прашање.
- Кога зборуваме за стоковните резерви, веројатно мислите на храната и на нафтените деривати. Во моментов има непречено снабдување со нафтени, кое е постојано од почетокот на кризата бидејќи се снабдуваме од солунското пристаниште и тоа над 70 проценти се работи за нафта која не е од руско потекло, туку од друго потекло, посочи Ковачевски.
Во однос на храната, премиерот истакна дека се управува дневно и неделно во однос на резервите кои ги има државата и кои обезбедуваат непречено снабдување на пазарот во услови кога има недостатоци. Тој додаде дека нема недостаток на храна во државата, бидејќи е обезбеден непречен проток на прехранбени производи преку соседните држави Албанија, Грција и Србија.
За цените на производите во малопродажбата, премиерот информира дека е запознаен со одредени злоупотреби и оти нема да дозволи дел од дистрибутерите вештачки да ги покачуваат цените со големи маржи. Најави дека инспекциите ќе работат на терен и ќе нема селекција во инспекциите и спроведување на законот на добрите практики на однесување во услови на најголема криза. ки/цр
![ковачевски](/articles/images/%d0%b7%d0%b0%d1%81%d0%b8%d0%bb%d0%b5%d0%bd-%d1%84%d1%80%d0%b0%d0%bd%d1/d9HmttW4i/placeholder.webp?use_watermark=0)