Кичевски: Поради неспособност на кадрите на ВМРО-ДПМНЕ и нивната градоначалничка јавниот превоз во Скопје не функционира
- За само една година новата локалната власт на ВМРО-ДПМНЕ во Скопје создаде хаос и го донесе до целосен колапс Јавното Сообраќајно Претпријатие. Поради неспособност на кадрите на ВМРО-ДПМНЕ и
![Кичевски: Поради неспособност на кадрите на ВМРО-ДПМНЕ и нивната градоначалничка јавниот превоз во Скопје не функционира](https://mia.mk/index.php/images/20221114010230_big_730x400_8.webp )
Скопје, 19 октомври 2022
За само една година новата локалната власт на ВМРО-ДПМНЕ во Скопје создаде хаос и го донесе до целосен колапс Јавното Сообраќајно Претпријатие.
Поради неспособност на кадрите на ВМРО-ДПМНЕ и нивната градоначалничка која се занимава само со тендери и провизии, јавниот превоз не функционира.
Долгот во ЈСП, за само 1 година е драстично зголемен. ВМРО-ДПМНЕ и Данела Арсовска го заглавија ова јавно претпријатие и јавниот превоз во Скопје го доведоа под прашање.
Тоа е единствена причина зошто денеска вработените во ЈСП немаат земено плата.
Нема долг на Владата, тоа е само очаен обид за манипулација и прикривање на неспособноста, обид сопствената вина да ја префрлат на некој друг.
JСП Скопје го упропастија заедно, медарот Христијан Мицкоски и Данела Арсовска.
Заедно ветуваа бесплатен превоз за скопјани а сега велат друг дека треба да се грижи за ЈСП.
Ги повикуваме ВМРО-ДПМНЕ и Данела Арсовска јавно да одговорат: дали во изминатава година е потпишан анекс договор, без никаква спроведена постапка на договорот за снабдување на нафтени деривати со кој секој литар гориво е поскап за 5,6 денари?
Дали медарот и шпицен градоначлник Мицкоски и неговата градоначалничка повторно ги ставиле рацете во медот и на сметка на платата на вработените во ЈСП е направен криминал?
Медарите од ВМРО-ДПМНЕ и нивната градоначалничката со ваквата пракса го доведуваат градот Скопје до целосна нефункционалност. Жртви на ваквата неспособна и неодговорна градска власт на ВМРО-ДПМНЕ се само жителите на градот Скопје.
Бидејќи ВМРО-ДПМНЕ има мнозинство во Советот на Град Скопје, ги повкуваме да не се кријат, да седнат да работат и јавно да понудат решение за проблемот кои самите го создадоа.
Васко Кичевски, претседател на Градска огранизација на СДСМ
Центар за комуникации со јавноста на СДСМ ___________________________________________________________ МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.