Киев најави дека го враќа „украинскиот дел“ од наследството на СССР
- Министерството за надворешни работи на Украина и Фондот за државна сопственост почнаа со работа на враќање на „украинскиот дел од странските средства на советското наследство“, соопшти претседателот на фондот Виталиј Ковал.
![Киев најави дека го враќа „украинскиот дел“ од наследството на СССР](https://mia.mk/index.php/images/20240207220406_big_730x400_73.webp )
Киев, 7 февруари 2024 (МИА) – Министерството за надворешни работи на Украина и Фондот за државна сопственост почнаа со работа на враќање на „украинскиот дел од странските средства на советското наследство“, соопшти претседателот на фондот Виталиј Ковал.
- Посебен приоритет е враќањето на уделот на Украина во странските средства од советското наследство. Станува збор за имот кој по распадот на СССР беше неправедно и незаконски одземен од Русија, напиша тој на Телеграм по средбата со министерот за надворешни работи Дмитриј Кулеба.
Ковал нагласи дека фондот е „подготвен да ги приватизира“ таквите средства и очекува тие да станат извор на внатрешни државни резерви за поддршка на Вооружените сили на Украина (АФУ).
На пример, функционерите се согласија дека е неопходно да се приватизира хотелската зграда „Украина“ во Киев. Покрај тоа, во плановите на владата се вклучени компании од индустријата за титаниум, Обединетата рударска и хемиска компанија и „други конкурентни капацитети кои можат да бидат од интерес за меѓународниот бизнис“ во однос на инвестиции.
- Се договоривме да создадеме заедничка работна група која ќе работи во овие области. На крајот на краиштата, нашата цел е да и покажеме на меѓународната заедница случаи на успешна приватизација. Тоа ќе помогне да се развие имиџот на Украина како сигурен партнер за инвестиции, заклучи шефот на Фондот за државна сопственост.
Претходно, на 20 јануари, Ковал веќе зборуваше за плановите за приватизација на хотелот „Украина“ поради акумулираните долгови од 45 милиони гривни (1,2 милиони долари). Хотелот е изграден во 1961 година и до 2001 година се викал „Москва“, но подоцна бил преименуван во чест на 10-годишнината од независноста на земјата.
Во октомври, вршителот на должноста шеф на Фондот за државна сопственост на Украина, Александар Федорисин, рече дека околу 70 отсто од државните претпријатија во Украина се предмет на ликвидација или приватизација. јт/