Калач: Банкарскиот сектор на Црна Гора може да се справи со последиците од корона кризата
- Банкарскиот сектор реагираше многу квалитетно и навремено на пандемијата на коронавирусот, вели банкарскиот правобранител Халил Калач, кој смета дека Црна Гора може да се справи со последицит
![Калач: Банкарскиот сектор на Црна Гора може да се справи со последиците од корона кризата](https://mia.mk/index.php/images/20221104133223_big_730x400_66.webp )
Подгорица, 6 јули 2020 (МИА) - Банкарскиот сектор реагираше многу квалитетно и навремено на пандемијата на коронавирусот, вели банкарскиот правобранител Халил Калач, кој смета дека Црна Гора може да се справи со последиците од кризата.
Излезот од кризата го гледа во синергијата на банкарскиот сектор со другите сектори преку мораториум 2, реструктуирање на постојните кредити и одобрување нови, кои мора да бидат поповолни.
Со оглед дека станува збор за криза поголема од онаа во 2008 година, Калач смета дека Црна Гора треба да направи сé за да ги спречи последиците од оваа криза.
- Еден од секторите што игра многу важна улога е банкарството. Постојат методологии од претходната криза и она што треба да го направи банката е мораториум на кредитни обврски, реструктуирање на постојните и одобрување нови заеми по нешто поповолни услови, изјави Калач за РТЦГ.
Според него, сите мора да работат за да го задржат банкарскиот сектор во позитивна сфера, затоа што тоа, како што рече, влијае на се останато. паг/