Кавадарци, 12 декември 2023 (МИА) - Дегустација на греано вино, трка на дедомразовци, натпревар за најбрзо накитена елка, се само дел од настаните предвидени во предновогодишната програма на Општина Кавадарци, која денеска ја споделија од кавадаречката локална самоуправа.

- Во пресрет на Новата 2024 година најавуваме богата програма, повикуваме сите да ни се придружат за заедно да празнуваме и уживаме. Предвидени се и божиќен пазар, дегустација на топол чај и божиќни колачиња, новогодишна работилница, хуманитарна продажба на новогодишни дела, забава со спектакуларни маскоти, фотографирање со Дедо Мраз, настап на исполнители од музичкото детско фестивалче „Гроздоберче“ и новогодишна бајка, информираа од Општината.

Планиран е и дочек на новогодишната ноќ со настап на „Екстра бенд плус“ и спектакуларен огномет. свд/бд/

Фото: Фејсбук на градоначалникот Митко Јанчев