Рим, 19 март 2026 (МИА) - Италијанската влада донесе уредба за намалување на даноците на бензинот и дизелот како одговор на наглиот раст на цените на горивата по избувнувањето на војната на Блискиот Исток.

Мерката, која денеска стапува во сила и ќе се применува во следните 20 дена, се очекува веднаш да ги намали цените за речиси 0,25 евра (0,29 долари) за литар, соопшти владата во Рим.

Уредбата вклучува и мерка за „антишпекулација“ насочена кон одржување на цените на горивата на бензинските пумпи под контрола.

По синоќешниот состанок на кабинетот, владата го опиша намалувањето на данокот како „привремена и вонредна мерка“. јт/

Фото: Мелони на Фејсбук