Неготино, 17 јануари 2022 (МИА) - Исчистен од снег е патниот правец Долни Дисан-Горни Дисан-Вешје во должина од шест километри, информираа од неготинската локална самоуправа. -Во изминатиот период во Дисанијата наврнаа околу 20 до 30 сантиметри снег и дојде до замрзнување на патната мрежа со постоечки ризик за движење на возила. На барање на жителите, општината Неготино реагираше и пристапи кон расчистување на состојбите на терен. Така, во присуство на претставници на стручните служби од локалната самоуправа, фирмата Минт инженеринг од Скопје, која има договор со општината за зимско одржување на патиштата, со специјализирана машина спроведе целодневна активност за расчистување на овој патен правец, појаснија од Општината. Оттаму нагласија дека со ова, се овозможи нормално одвивање на сообраќајот на овој пат.свд/вј/