Лондон, 30 јули 2025 (МИА) – Фудбалерот од средниот ред на Њукасл, Александар Исак, не се појави на тренингот на тимот, објавува „TBR Football“.

Дваесет и петгодишниот Швеѓанец му ставил до знаење на главниот тренер Еди Хау дека има намера да тренира индивидуално дома. 

Во исто време, Исак не беше земен на азиската турнеја на Њукасл поради повреда.

Управата на клубот не знае каде е играчот сега и нема контакт со него.

Како што објави инсајдер Фабрицио Романо, Ливерпул се согласил за условите на личниот договор со Исак. „Црвените“ понудија речиси 140 милиони евра за трансферот на фудбалерот.

Во сезоната 2024/25, Исак постигна 27 гола и шест асистенции во 42 натпревари. 

Порталот „Transfermarkt“ ја проценува вредноста на играчот на 120 милиони евра. Договорот со Швеѓанецот важи до 30 јуни 2028 година. зс/

Фото: ЕПА