Далас, 7 февруари 2023 (МИА) - Кајри Ирвинг и официјално стана играч на Далас. Колумнистот на ЕСПН, Зак Лоу, во новото издание на подкастот на Брајан Виндхорст изјави дека има информации дека Ирвинг планира да потпише тригодишно продолжување на договорот со својот нов тим.

- Има гласини дека без разлика на резултатот на НБА-тимот, Кајри ќе има нов тригодишен договор, изјави Лоу.

Во неделата, Тим Мекмахон од „ESPN“ објави дека „разговорите за обновување ќе бидат ставени на мирување до летото“.

Ирвинг има право на продолжување на две години во текот на сезоната, но може да добие и четиригодишен договор ако почека до вонсезоната. зс/