Инцидент во клуб во Хјустон, двајца загинати
- Напаѓач пукал во полн ноќен клуб во Хјустон во понеделникот рано наутро, пред да биде убиен од заменик-шерифот кој не бил на должност.
![Инцидент во клуб во Хјустон, двајца загинати](https://mia.mk/index.php/images/20221107115345_big_730x400_2.webp )
Хјустон, 1 јуни 2021 (МИА) - Напаѓач пукал во полн ноќен клуб во Хјустон во понеделникот рано наутро, пред да биде убиен од заменик-шерифот кој не бил на должност.
Тој работел како чувар во клубот.
- Напаѓачот започнал да пука во клубот „Кле“ во понеделникот во 01.21 часот, по што бил застрелан од заменик-шерифот на округот Харис, изјави началникот на полицијата Трој Финер.
Во пукањето загина уште едно лице, а две се ранети, од кои едното е во критична состојба, пренесе „Дејли меил“.
Полицијата во Хјустон синоќа потврди дека заменикот го убил напаѓачот, но не е познато кој ги погодил преостанатите три лица. „Сигурно е дека тоа не бил заменикот“, соопшти полицијата.
Двете лица кои биле повредени се пренесени во болница, едното во критична состојба, а другото било пуштено на домашно лекување откако му е санирана раната на ногата. паг/