Иницијатива за збратимување на Кратово и словенечкиот град Птуј
- Иницијатива за збратимување на Кратово и Птуј, Словенија произлезе од денешната посета на општина Кратово на амбасадорот на Република Словенија во земјава, Милан Предан и неговата средба со г
![Иницијатива за збратимување на Кратово и словенечкиот град Птуј](https://mia.mk/index.php/images/20221114022252_big_730x400_24.webp )
Крива Паланка, 5 ноември 2022 (МИА) - Иницијатива за збратимување на Кратово и Птуј, Словенија произлезе од денешната посета на општина Кратово на амбасадорот на Република Словенија во земјава, Милан Предан и неговата средба со градоначалникот на Општината Тодорче Николовски.
![амбасадор предин](/articles/images/%d0%b8%d0%bd%d0%b8%d1%86%d0%b8%d1%98%d0%b0%d1%82%d0%b8%d0%b2%d0%b0-%d0/tHYWFdLqq/placeholder.webp?use_watermark=0)
-На состанокот беа дискутирани традиционалните пријателски односи помеѓу двете држави исто така и досегашната соработка на локално ниво со словенската држава и организации. Имавме можност да ги презентираме потенцијалите на Општината, а истовремено беа направени и заложби за унапредување на конкретната соработка во сфери каде постои заемен интерес како културата, туризмот, животната средина и енергетска ефикасност, соопштија од Општина Кратово.
Општина Кратово иницираше збратимување со Општина Птуј од Словенија, со која има бројни заеднички карактеристики од културното наследство и архитектурата. ид/вг/