Њу Делхи, 28 ноември 2024 (МИА) - Индиската морнарица вчера тестираше балистичка ракета со дострел од 3.500 километри што може да носи и нуклеарно оружје од нејзината најнова нуклеарна подморница „INS Arighaat“.

Соодветното тестирање на ракетата К-4 ќе ја потврди способноста на Индија да одговори на нуклеарен напад со силна нуклеарна одмазда, јавуваат индиските медиуми.

Разбирливо е дека индиската морнарица сега ќе спроведе дополнителни тестови на ракетниот систем.

Ракетата К-4 беше развиена од Организацијата за истражување и развој на одбраната (DRDO) за вооружување на индиските нуклеарни подморници. Земјите како САД, Русија и Кина веќе поседуваат SLBM (балистички ракети лансирани од подморница) со дострел од над 5.000 километри.

„INS Arighaat“, подморница тешка 6.000 тони, е најновата индиска нуклеарна подморница, ја зајакнува способноста на земјата да одговори на нуклеарен напад со моќна нуклеарна одмазда. Првата нуклеарна подморница „INS Arighaat“, која беше пуштена во употреба во 2016 година, е вооружена со ракети К-15 со дострел од 750 километри.

Третата подморница од овој тип ќе биде поголема и поспособна од сегашните две подморници. Според индиските медиуми, се очекува да биде претставен следната година. Минатиот месец, Кабинетската комисија за безбедност (CCS) одобри изградба на уште две нуклеарни подморници за зајакнување на присуството на Индија во регионот. мс/

фото: ЕПА, „Х“

#India reaches new defense heights under PM @narendramodi ji’s leadership!

The successful K-4 missile test from INS Arighaat boosts our nuclear triad’s sea leg. pic.twitter.com/xUWsBvfGie

— Reema (@Reema2493) November 28, 2024