Имобиле сака да остане во Лацио
- Агентот на напаѓачот на Лацио, Чиро Имобиле - Алесандро Моџи одговараше на прашања за иднината на својот клиент.
![Имобиле сака да остане во Лацио](https://mia.mk/index.php/images/20240410210424_big_730x400_44.webp )
Рим, 10 април 2024 (МИА) - Агентот на напаѓачот на Лацио, Чиро Имобиле - Алесандро Моџи одговараше на прашања за иднината на својот клиент.
Медиумите во Италија пишуваа дека фудбалерот би можел да го напушти клубот поради конфликт со навивачите.
-Чиро е дел од историјата на Лацио, тој е капитен. Добро му оди во Рим, но јасно е дека многу работи може да се случат пред и по крајот на сезоната. Во летниот преоден рок можни се различни ситуации, изјави Моџи за „Спорт Медиасет“.
Тој додаде дека самиот фудбалер би сакал да остане во тимот.
Имобиле за Лацио игра од јули 2016 година. За тоа време одигра 335 настапи за клубот, постигнувајќи 206 гола и 54 асистенции.
Договорот на напаѓачот е до крајот на сезоната 2025/26. дс
Фото: Архива