Илјадници лица на улиците на Варшава: Нем „марш на илјада тоги“
Варшава, 11 јануари 2020 (МИА) - Повеќе од 1.000 полски судии, во своите службени тоги, а со нив и адвокати, неколку десетици судии од речиси сите земји на Европската унија, денеска прошетаа низ центарот на Варшава.
Овој пропис воведува жестоки дисциплински казни за магливо формулираното отежнато функционирање на правосудството и за јавното оспорување на досегашната реформа на полските судови.
-Тоа е најсрамниот закон. Ја ликвидира независноста на судовите и судиите. Нема смисол да се убедуваат авторите на законот дека тоа не е така, бидејќи тие тоа го знаат. Затоа изразуваме протест во немиот марш на правниците. Се надеваме дека нашето молчење ќе го слушнат Полска и Европа, соопштија судиите од здружението Јустиција, кое е еден од главните организатори на протестот.
Претставниците на меѓународните судски организации и судии од 20 змеји на ЕУ нагласија дека не се дојдени да протестираат против полската Влада, туку заради загрозената независност на полските судии и ризикот за правната држава. сд/
Повод за денешниот протестен марш и поход на судиите од зградата на Врховниот суд до Сејмот - полскиот Парламент, што се изведе под паролата „ Право на независност. Право на Европа“, беше најновиот сет од закони за правосудната реформа што минатиот месец ги усвои Долниот дом на полскиот Парламент.
