Истанбул, 30 јули 2023 (МИА) - Аргентинскиот фудбалер Мауро Икарди проговори за преселбата во Галатасарај.

Напаѓачот потпиша договор со клубот до летото 2027 година.

- Навистина сум среќен. Многу сум среќен што повторно ќе го носам овој дрес. Се чувствувам како дел од проектот и тимот, изјави Икарди за клупскиот сајт на тимот од Истанбул.

Триесетгодишниот Аргентинец играше за турскиот клуб како позајмен во сезоната 2022/23. На 26 натпревари постигна 23 гола и осум асистенции. зс/

Фото: ЕПА