Ресен, 31 октомври 2021 (МИА) - Кандидатот за градоначалник на Општина Ресен од коалицијата предводена од ВМРО-ДПМНЕ Јован Тозиевски, денеска го оствари своето гласачко право на вториот круг од локалните избори и ги повика сите граѓани да излезат да гласаат. -  Го остварив моето гласачко право и ве повикувам сите вас, да го остварите своето право за да може да ги донесеме сите заедно промените во нашата општина. Се надевам дека денешните избори ќе бидат фер и демократски, изјави Тозиевски по гласањето. сс/фф/