Гостивар, 17 октомври 2021 (МИА) - Кандидатот за градоначалник на Гостивар од Демократската унија за интеграции (ДУИ) Невзат Бејта по гласањето на избирачко место во ОУ „Единство“ упати порака до граѓаните да излезат помасовно на овие избори, бидејќи, како што рече, од тој избор зависи иднината на општината. - Денес е најдобриот ден за нашите граѓани. Тие денес одлучуваат за својата иднина и за иднината на  општина Гостивар. Затоа треба да излезат да гласаат и така да придонесат за добрата иднина на градот и неговите жители, рече Бејта. згм/хс/