Берово, 17 октомври 2021 (МИА) - Кандидатот за градоначалник на Берово од партијата Интегра, Горан Алачки денеска во Владимирово го оствари своето гласачко право и гласаше на седмите по ред Локални избори во државата. - Малешевци се мудар, убав, домаќински народ. Очекувам и денеска сите масовно да го дадат својот глас за оној што тие сметаат дека треба да го дадат, рече Алачки. Само на тој начин, како што додаде, можат да имаат убав просперитет и поубава иднина за Малешевијата. вс/см/