Доха, 9 декември 2024 (МИА) - Израелското создавање тампон зона меѓу Израел и Сирија е „опасен развој на настаните“, оцени катарското Министерство за надворешни работи.

Израелската војска зазеде дополнителна територија на Голанската висорамнина, откако сириските сили се повлекоа по падот на режимот на Башар ал Асад.

Египет исто така го осуди овој потег, обвинувајќи го Израел за „искористување на вакуумот на моќта“.

Израелскиот премиер Бенјамин Нетанјаху вчера објави дека договорот за прекин на огнот со Сирија од 1974 година е прекршен и дека повлекувањето на сириските сили бара израелско создавање „привремени одбранбени позиции“.

Израел ја зазеде Голанската висорамнина во Шестдневната војна во 1967 година, а подоцна ја анектираше. ссм/

фото: архива