Ерусалим, 29 декември 2024 (МИА) - Израелската армија денеска соопшти дека најмалку пет проектили биле истрелани кон Израел од северниот дел на Појасот Газа, каде што повеќе од една година војува со палестинското движење Хамас.

„Околу пет проектили влегле на територијата на Израел од северниот дел на Појасот Газа. Два проектила биле пресретнати, а останатите најверојатно паднале на отворени подрачја“, се вели во соопштението.

Предупредувачките сирени беа активирани околу 16:30 часот по локално време околу израелскиот град Сдерот, кој се наоѓа во непосредна близина на палестинскиот брег.

Израел во саботата објави дека бил погоден со два проектила истрелани од Газа, кои биле пресретнати од воздухопловните сили. паг/

Фото: МИА архива