Излегоа од печат првите две сликовници со детски афоризми од едицијата „Во светот на палавите афоризмичиња"
Делчево, 18 мај 2022 (МИА) - Излегоа од печат првите две сликовници со детски афоризми од едицијата „Во светот на палавите афоризмичиња". Автор на афоризмите е познатиот македонски сатиричар Миле Ѓорѓијоски.
-Илустрациите и кориците ги работеше Софија Ситновска, ученичка во ОУ „Кирил и Методиј" од Македонска Каменица. За претставување на делата закажани се повеќе промоции и изложби на улустрирани афоризми во Виница, М. Каменица и Кочани, рече Ѓорѓијоски.
Познатиот сатиричар во моментот работи и на две нови книги „Во светот на палавите афоризмичиња“ 3 и 4 кои треба наскоро да излезат од печат.
Првата изложба, како што додаде, е закажана за утре, 19 мај, во Домот на културата „Тошо Арсов" во Виница.вс/бт/
