Скопје, 20 јули 2022 (МИА) - Пожар на дива депонија избувна вечерва на патот од скопската населба Шуто Оризари према Визбегово, но набрзо е изгаснат, информира за МИА командирот на скопската Бригада за противпожарна заштита Ѕвонко Томески. Како што информира Томески, опожарени се бакарни кабли и поради тоа се шири таква непријатна миризба и чад. На пожарот интервенирале две противпожарни возила со пет пожарникари, а моментно се работи на расчистување за да не се запали повторно. мс/цр фото МИА архива