„Изборен систем и реформи“ - Препораки на ЦИВИЛ за слободни и демократски изборни процеси
- „Изборен систем и реформи: Препораките на ЦИВИЛ“ беше денешната тема на панел дискусиите, што ЦИВИЛ ги организира секоја среда и се дискутира за актуелни теми. Како еден од набљудувачите на
![„Изборен систем и реформи“ - Препораки на ЦИВИЛ за слободни и демократски изборни процеси](https://mia.mk/index.php/images/20221112135604_big_730x400_65.webp )
Скопје, 2 март 2022 (МИА) - „Изборен систем и реформи: Препораките на ЦИВИЛ“ беше денешната тема на панел дискусиите, што ЦИВИЛ ги организира секоја среда и се дискутира за актуелни теми.
Како еден од набљудувачите на изборните процеси од 2008 година, ЦИВИЛ препорачува Северна Македонија да биде една изборна единица, со цел да се обезбедат слободни и демократски изборни процеси, без вообичаените изборни нерегуларности.
Во однос на промените во Изборниот законик, од ЦИВИЛ истакнаа дека се потребни реформи во Државната изборна комисија, како и во структурата на институцијата.
- Потребно е да се назначат овластени лица за поднесување на приговори и тие да бидат релевантни домашни организации кои спроведуваат мониторинг на изборните процеси. Исто така, потребно е да се прочисти избирачкиот список и да се продолжи рокот за обуки и едукација, како и избор на членови на ОИК и ИО, во случаи кога се работи за редовни изборни циклуси, велат од ЦИВИЛ.
Од организацијата препорачаа и регулирање на периодот од распишување на изборите до почетокот на изборната кампања, кога учесниците во изборниот процес наоѓаат начин да го заобиколат законот и предвреме ги започнуваат кампањите. ки/сп/