Играчите во НХЛ ќе бидат подложени на брзи тестови на коронавирус пред натпреварите
- Раководството на најсилната хокеарска лига на светот – НХЛ, одлучи да воведе брзо тестирање на играчи за коронавирус пред натпреварите.
![Играчите во НХЛ ќе бидат подложени на брзи тестови на коронавирус пред натпреварите](https://mia.mk/index.php/images/20221105202650_big_730x400_47.webp )
Вашингтон, 12 февруари 2021 (МИА) – Раководството на најсилната хокеарска лига на светот – НХЛ, одлучи да воведе брзо тестирање на играчи за коронавирус пред натпреварите.
Резултатите од тестовите ќе бидат готови во рок од 30 минути.
Оваа одлука беше донесена откако Вегас дозна за позитивен тест на напаѓачот Томаш Носек за време на натпреварот од регуларната сезона против Анахајм.
Покрај тоа, хокеарите ќе продолжат да подлежат на тестирање на ПЦР, чии резултати доаѓаат 12-24 часа по земањето брис. зс/