Иван Марковски нов тренер на Мулти Есенс
- Поранешен македонски ракометен репрезентативец Иван Марковски е назначен за нов тренер на Мулти Есенс.
![Иван Марковски нов тренер на Мулти Есенс](https://mia.mk/index.php/images/20230705081543_big_730x400_76.webp )
Скопје, 5 јули 2023 (МИА) – Поранешен македонски ракометен репрезентативец Иван Марковски е назначен за нов тренер на Мулти Есенс.
Марковски е со богато играчко резиме, во кое се запишани настапи за повеќе домашни и странски екипи, меѓу кои се Пелистер, Металург, Вардар, Метковиќ, Загреб и Сарагоса.
Во својата тренерска кариера Марковски има водено екипи од Франција, Кина и од Катар, а беше тренер и на македонските тимови ХЈС Работник и Металург. Мастер-коуч лиценца има од 2020 година.
Помошник на Иван Марковски ќе му биде тренерот Миле Бочкаровски. зс/