Зимбабве бара задолжителни вакцини за владини претставници и наставници
- Зимбабве ги повикува владините претставници и наставници да се вакцинираат или да ја напуштат својата работа.
![Зимбабве бара задолжителни вакцини за владини претставници и наставници](https://mia.mk/index.php/images/20221108155907_big_730x400_62.webp )
Хараре, 7 септември 2021 (МИА) - Зимбабве ги повикува владините претставници и наставници да се вакцинираат или да ја напуштат својата работа.
Иако веќе се соочи со гневот на јавноста поради барањето за вакцинација за трговија на пазар, полагање испити и пристап до спортски сали и ресторани, властите во Зимбабве се залагаат за повисока стапка на вакцинација.
- Ако сте државен службеник, за да ги заштитите другите и луѓето на кои им служите, вакцинирајте се, рече министерот за правда Зиамби Зиамби во изјава за локалното радио.
- И ако сакате да ги остварите своите права ... можете да поднесете оставка, потенцираше министерот.
Нешто повеќе од 2,7 милиони од 15 -те милиони луѓе во Зимбабве ја примиле првата доза вакцина досега, но честопати има редици луѓе пред центрите за вакцинација кои сакаат да се вакцинираат.
Зимбабве неодамна ја одобри вакцината Џонсон и Џонсон за итна употреба, потпирајќи се на вакцини од Кина, Индија и Русија. ссм/