Зечевиќ: За македонската младина имаме обврска да обезбедиме европска иднина
- Генералниот секретар на СДСМ, заедно со заменик претседателката Сања Лукаревска вечерва присуствуваа на работен состанок со членовите од општинската организација Центар.
![Зечевиќ: За македонската младина имаме обврска да обезбедиме европска иднина](https://mia.mk/index.php/images/20221114025430_big_730x400_15.webp )
11 ноември 2022
Генералниот секретар на СДСМ, заедно со заменик претседателката Сања Лукаревска вечерва присуствуваа на работен состанок со членовите од општинската организација Центар.
- Секогаш кога носиме одлуки денеска да имаме предвид дека се однесуваат на младите утре. СДСМ е државотворна партија која секогаш знаела да постапи во интерес на иднината на државата, а тука пред се мислам на младите. Како социјалдемократи имаме обврска да обезбедиме европска иднина за македонската младина. За нашите македонски деца и внуци да обезбедиме мирно море, сигурна, стабилна и извесна европска иднина. Да не им оставиме нерешени прашања и неизвесност туку да можат дома, во својата татковина, да го градат својот подобар живот наместо да ни зиминуваат во други европски земји., рече Зечевиќ.
СДСМ е внатрешно консолидирана и повторно на победничките патеки, а преполните сали ширум републиката на трибините „Силно и одлучно кон иднината“ испраќаат силна порака за поддршката на граѓаните на државничките политики, додаде Зечевиќ.
Работата на СДСМ како на централно, така и на локално ниво е пример како се работи одговорно, во интерес на граѓаните, потенцираше Зечевиќ посочувајќи го успешниот пример со градоначалникот на општина Центар од редовите на СДСМ, Горан Герасимовски.
Центар за комуникации со јавноста на СДСМ
________________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.