Атина, 19 јануари 2024 (МИА) – Земјотрес со јачина од 4,6 степени беше регистриран кусо по 16 часот по локално време во морскиот дел југоисточно од грчкиот остров Евија, јави дописничката на МИА од Атина. 

Епицентарот е на околу 80 километри од Атина, а земјотресот беше почувствуван и во повеќе делови на грчката метропола. 

Засега нема информации за повредени или предизвикана материјална штета. ср/сд/