Здружението „Инклузива“ ангажира лични асистенти за седумнаесет корисници во Куманово
- Здружението за промоција и развој на инклузивно општество „Инклузива“ ангажираат лични асистенти за седумнаесет корисници во Куманово, информираа денеска од здружението. Оттаму појаснуваат д
![Здружението „Инклузива“ ангажира лични асистенти за седумнаесет корисници во Куманово](https://mia.mk/index.php/images/20221102214101_big_730x400_14.webp )
Куманово, 25 февруари 2020 (МИА)
Здружението за промоција и развој на инклузивно општество „Инклузива“ ангажираат лични асистенти за седумнаесет корисници во Куманово, информираа денеска од здружението. Оттаму појаснуваат дека нивното здружение е лиценциран давател на социјална услуга-лична асистенција за лица со попреченост.
-Почнавме како пилот програма на Владата уште во август 2018-та година, работевме по пилот програма и 2019, но од 1 јануари годинава, работиме според новиот Закон за социјална заштита и сме лиценциран давател на оваа социјалната услуга. Досега немаше лиценцирање на невладини организации. На ниво на државата сме лиценцирани само Црвен Крст и здружението „Инклузива“, појасни претседателката на здружението, Благица Димитровска.
![благица димитровска инклузива за миа](/articles/images/zdruzhenieto-inkluziva-angazhira-lichni-asistenti-za-sedumnaeset-koris/fl1uQbRiT/placeholder.webp?use_watermark=0)
Услугата е исклучително потребна за лицата со попреченост, затоа што им нуди поддршка во домашни услови на лицата кои што се слепи и лица кои се во инвалидска количка, поддршка во образовниот процес. Услугата се однесува на лица кои се над 18 години и опфаќа помош на работно место и во социјалниот живот, вклучувајќи лепеза на активности кои лицата со попреченост не можат самостојно да ги спроведуваат. Претходно, за ваквите активности се грижеле членовите на семејствата.
-Со оваа услуга, членовите на семејствата можат економски да зајакнат затоа што можат да работат, а во исто време личните асистенти ја намалуваат бројката на невработеност во нашата општина и во сите општини. Засега личните асистенти хонорарно се ангажирани, но понатаму сигурно ќе се преземат мерки и за решавање на нивниот статус, вели Димитровска.